Խաչիկ Ասրյան
ՀՀ Ազգային, Պետական, Ռազմական Գործիչ,
«Մարտական Խաչ» 1-ին աստիճանի շքանշանակիր։
«Հայոց Արծիվներ. Միասնական Հայաստան» կուսակցության Նախագահ,
«Հայոց Արծիվներ» կամավորական մարտական ջոկատի Հրամանատար, պահեստազորի Գնդապետ։
«ՀԱՅՐԵՆԻՔԸ չեն պաշտպանում ըստ ժամանակացույցի կամ ըստ տրամադրության. ՀԱՅՐԵՆԻՔԸ պաշտպանում են մի՛շտ և կյանքի՛ գնով»։
Խաչիկ Մայիսի Ասրյան
Ծնվել է 1970թ-ի փետրվարի 13-ին Սյունիքի մարզի Գորիս քաղաքում:
Կրթություն
1977-87թթ-ին սովորել է Գորիսի թիվ 2 միջնակարգ դպրոցում:
1991-95թթ-ին սովորել և ավարտել է Գորիսի «Սյունիք» ինստիտուտի իրավաբանական ֆակուլտետը։
2005-09թթ-ին սովորել և ավարտել է ՀՀ ֆիզիկական կուլտուրայի հայկական պետական ինստիտուտը` «Փրկարար գործ» մասնագիտությամբ:
Ծառայել է
1988-91թթ-ին (3 տարի) ծառայել է Խորհրդային բանակում՝ Հեռավոր Արևելքում՝ Խաղաղօվկիանոսյան Ռազմածովային ուժերում՝ որպես ծովային հետևակ:
Աշխատանքային գործունեություն
2007թ-ի հուլիսի 14-ից մինչև 2018 թվականի մայիսի 10-ը (շուրջ 11 տարի) աշխատել է որպես ՀՀ սպորտի և երիտասարդության հարցերի Փոխնախարար:
2007թ-ի հուլիսի 14-ից մինչև 2018թ-ի մայիսը Հայաստանի Հանրապետությունում և Արցախի Հանրապետությունում կազմակերպել է 160-ից ավել պետական մարզական մասսայական միջոցառումներ:
Հիմնադրել է
2002թ-ի սեպտեմբերի 26-ին Սյունիքում հիմնադրել է «Սյունյաց Արծիվներ» երիտասարդական հասարակական կազմակերպություն ( www.hayocartsivner.am):
2002թ-ի սեպտեմբերից մինչև 2009թ-ի դեկտեմբերը Սյունիքում կազմակերպել է
հայրենասիրական և ռազմահայրենասիրական 821 միջոցառում (www.hayocartsivner.am):
2010թ-ի հունվարի 27-ին Երևան քաղաքում հիմնադրել է «Հայոց Արծիվներ» հայրենասիրական հասարակական կազմակերպություն (www.hayocartsivner.am):
2010թ-ի փետրվարից մինչև 2018թ-ի մայիսը Հայաստանի Հանրապետությունում և Արցախի Հանրապետությունում կազմակերպել է հայրենասիրական և ռազմահայրենասիրական
679 միջոցառում (www.hayocartsivner.am):
2018 թվականի հունիսի 23-ին Հայաստանի Հանրապետությունում (Երևան քաղաքում) հիմնադրել է «Հայոց Արծիվներ. Միասնական Հայաստան» Ազգային-Քրիստոնյա կուսակցություն:
Մասնակցել է
1992-1994 թվականներին իր ստեղծած «Նժդեհյան Գայլախումբ» ջոկատով մասնակցել է Լաչինի, Գորիսի և Կապանի սահմանների պաշտպանությանը:
2016 թվականի ապրիլի 4-ից 28-ը իր ստեղծած «Հայոց Արծիվներ» կամավորական մարտական ջոկատով, ՀՀ պաշտպանության նախարարության N զորամիավորման հրամանատարության ներքո, մասնակցել է Արցախի հարավարևելյան շրջանի պաշտպանությանը՝ բարձր
կարգապահությամբ, մեծ պատասխանատվությամբ և անթերի կատարելով իր առջև դրված մարտական խնդիրները (www.hayocartsivner.am):
2020 թվականի սեպտեմբերի 29-ից մինչև հոկտեմբերի 29-ը «Հայոց Արծիվներ» կամավորական մարտական ջոկատով, Արցախի Պաշտպանության Բանակի Մարտունի 2-րդ պաշտպանական շրջանի հրամանատարության ներքո, մասնակցել է Արցախի Մարտունու շրջանի առաջնագծի պաշտպանությանը` բարձր կարգապահությամբ և մեծ պատասխանատվությամբ իրականացնելով մարտական գործողություններ, մարտական հերթապահություն և մարտական ծառայություն՝ անառիկ պահելով Արցախի Մարտունի, Ճարտար քաղաքաներն ու հարակից գյուղերը (https://www.facebook.com/asryankhachik1970/videos/758480486033936/):
Պարգևատրվել է
42 մեդալներով-հուշամեդալներով-շքանշաններով-կրծքանշաններով-կոչումով ու 270-ից ավել պատվոգրերով-շնորհակալագրերով։
Ամուսնացած է
Ունի մեկ որդի և երկու դուստր: