Բարև ձեզ բարեկամներ, բաց tv-ն նորից եթերում է: բաց tv-ն, որը ամեն անգամ աշխատում է ձեզ համար անել հաճելի անակնկալներ: Կարծում եմ այսօր այդ օրերից մեկն է, քանի որ առաջին անգամ բաց tv-ում  հյուրընկալվել է մի անձնավորություն, որին այսօր ձեզանից շատերը լավ ճանաչում են:Խոսքս Հայաստանի Հանրապետության պաշտպանության նախկին նախարար, <<Համահայկական ճակատ>> շարժման առաջնորդ գեներալ- մայոր Արշակ կարապետյանի մասին է:

-Բարև Ձեզ, պարո՛ն գեներալ:

-Բարև Ձեզ:

- ուրախ եմ մեր հանդիպման համար

-ես էլ եմ շատ ուրախ ձեզ տեսնել:

 Այսօր փորձելու ենք շատ բաց, անկեղծ զրույց ունենալ և մեր ունկնդիրն էլ թող մեկ անգամ ևս հասկանա, որ իսկապես շատ հետաքրքիր անձնավորության  ենք մենք այսօր հյուրընկալել: Ապրիլի 5-ին  Երևանում տեղի ունեցավ ձեր կուսակցության հիմնադիր համագումարը, որտեղ դուք ընտրվեցիք առաջնորդը <<Համահայկական ճակատի>> և ամենակարևորը դա միաձայն, մարդիկ շատ ցնծությամբ դա դիմավորեցին: Ո՞րն է լինելու ձեր առաջին քայլը:

-Սկզբից, օգտվելով առիթից , ևս մեկ անգամ ուզում եմ շնորհակալություն հայտնել այն մարդկանց, ովքեր եկել և մասնակցել էին և  քվեարկել  էին ինձ համար , փաստորեն քվեարկությամբ կյանքումս առաջин անգամ ընտրվեցի ինչ-որ այսպես մի դիրքի այսպես ասեմ, երևի դա պաշտոն չի, ինչ-որ դիրքի և ինձ համար շատ իհարկե հաճելի է այդ վստահությունը: ինչ վերաբերվում է մեր կուսակցության հիմնական խնդիրը դա ապահովել  հայոց պետականության պահպանում և դրա համար անել ամեն ինչ: Մենք երևի թե աշխատում ենք զինվորական ռեժիմով մեր մեջ շատերը մեր հետ են, ովքեր նախկինում եղել են զինվորական, Դուք ել եք եղել զինվորական, պահեստազորի մայոր, դրա համար ինձ կհասկանաք, մենք ունենք հստակ ծրագիր, այդ ծրագրով մենք շարժվում ենք քայլ առ քայլ, դուք տեսնում եք, իհարկե մենք ծրագրերը չենք հրապարակում նախօրոք և շատ քայլեր անակնկալ է,մանավանդ իշխանության համար: Մենք ունենք այսօր բավական կարևոր խնդիրներ ոչ միայն մեր պետականության պահպանման, այդ թվում հարցադրված մեր ազգի գոյության մասին: մենք պայքարելու ենք և ամեն ինչ անելու ենք եւ պատրաստ ենք ամեն քայլի գնալ մի նպատակով, որ հայ ժողովուրդը լինի անկախ, ունենա պետականություն և ամենակարևորը ապրի խաղաղ կյանքով: Մենք այնպես պետք է պայմանավորվենք մեր հարևանների հետ,որ մոտակա հիսուն տարին մեր սերունդները պատերազմ չտեսնեն: Եվ ես ինչ որ ասում եմ, մենք ոչ թե դա  սպասում ենք գանք իշխանության հետո նոր սկսենք անել, մենք այսօր արդեն դրա վրա աշխատում ենք և ունենք բավականին հաջողություններ այդ հարցում:

- Ես ասեմ,  որ որքան էլ կարող է դա զարմանալի լինել,մի մարդ որն ասում է ես չեմ վիրավորվում, երբ ինձ ասում են թուրք, դավաճան,ես չեմ վիրավորվում, սա Նիկոլ Փաշինյանի խոսքերն են. և ինչպես կարող էր պատահել, որ նման հոգեբանության տեր մարդը այսօր լինել մեր ժողովրդի  առաջնորդը, և այն էլ այսքան երկար տարիներ մենք հանդուրժում ենք նման իշխանություններին:

-Գիտեք, միայն կարող եմ Ձեզ հետ երևի թե համաձայնվել: Մենք մի քիչ առաջ խոսում էինք մինչև եթերը, խոսում էինք պապերի մասին, ես վստահ եմ , որ այսօր մեր պապերը շանս ունենաին մեր հետ խոսելու, երևի թե մենք ապտակներից չխուսափեինք:Ի նկատի ունեմ մեզ բոլորիս, որ թույլ ենք տվել , որ նման ղեկավարությունը այսօր կա Հայաստանում : Ես չեմ ուզում խոսել, թուրքն էլ է ազգություն, բայց ես չեմ տեսել թուրք, որը որ կասի ես հայ եմ, ինձ ասում են հայ ու ես դրանից չեմ նեղանում: ես չեմ տեսել թուրք եվ ադրբեջանցի, որը կասի ինձ ասում են դավաճան ու ես դրանից  չեմ նեղանում: ես չեմ ուզում անցնել անձի, բայց կարծում եմ , որ նման մարդիկ թուրք էլ չեն կարող լինել: դա իմ կարծիքն է:

-Ես հիշում եմ, երբ Ն. Փաշինյանը իր մի խումբ ուսապարկերով քայլող ռոմանտիկ երիտասարդների հետ եկավ իշխանության, դուք այն ժամանակ նրան խորհուրդ տվեցիք դառնալ ոչ թե երկրի վարչապետ, այլ ազգային ժողովի նախագահ սակայն նա ձեզ չլսեց, ինչու՞:

 -Դե ինձ թվում է այդ հարցը երևի իրեն է պետք ուղղել,բայց ցավոք սրտի պետք է ասեմ, որ ես այն ժամանակ ինչ ասեցի, այդ ամեն ինչը տարավ իրականություն: մի դրվագ պատմեմ ձեզ, հասկանաք, թե ինչ է տեղի ունեցել իրականում: Երբ որ եկան իշխանության, անունը չեմ ուզում տալ ով, բայց մի բարձրաստիճան մարդ, որը որ Փաշինյանի կողքը աշխատում էր կառավարությունում, իրեն  վերաբերվող հետևյալ դեպքը  եղավ. Դե գիտեք , որ առավոտյան ծառայողական մեքենայով երբ որ գալիս են կառավարություն, շատերին պարետի հրամանատարը զինվորական հագուստով, մոտենում է, դիմավորում է, պատիվ է առնում, ինչ-որ չափով նույնիսկ ուղեկցում է  դեպի աշխատասենյակ: Մի օր գալիս են, տղայի անունն էլ չեմ ուզում տալ, զինվորականը մոտենում է ինձ, ասում է պարոն գեներալ ինձ ոնց որ ուզում են ազատեն աշխատանքից, ասում եմ ինչի համար: Ուրեմն, այդ պաշտոնատար անձը, ճանապարհին գալուց, դե Ս կլասի մերսեդես էր, ճանապարհին իջեցնում է վարորդին և ինքը նստում ղեկին, վարորդն էլ նստում է իր տեղը, երբ որ գալիս է կառավարություն, զինվորականը մոտենում է այնտեղ, որտեղ պետք է լինի պաշտոնատար անձը, քանի որ իրենք նոր էին, դեմքով չի ճանաչում և սկսում է զեկուցել վարորդին, այնտեղից արդեն վարորդը(պաշտոնատար անձը) դուրս է գալիս և սկսում է գոռգոռալ զինվորականի վրա, որ այդ մարդը ես եմ: Ուզում եմ ասել սրանով բացատրվու է, թե ինչ մակարդակի հետ գործ ունենք:

 Իհարկե եթե գնար պառլամենտի ղեկավար, երևի թե այնտեղ կարողանար բավականին օգուտ տալ պետությանը, բայց թե հրապուրվեցին ծառայողական մեքենաներով, հրապուրվեցին իրենց թիկնազորով, իրենց նիստ ու կացով: գնում են եվրոպա ու չգիտեմ ինչ են խոսում, բայց որ իրենց այնտեղ լավ են դիմավորում, իրենք ուրախանու են, լյուքս համարներում են ապրում, կյանքում իրենք դա չեն տեսել: Ոնց կարելի է փողոցից մարդուն բռնես ու բերես դնես երկրի ղեկավար, այ դա մեր սխալն է: Ես չեմ անձնավորում, բայց վստահ եմ, որ երկրի ղեկավար դառնալու համար մարդը պետք է աստիճանաբար գա դրան, տարիներ շարունակ աշխատելով և ղեկավարելով տարբեր օղակներ: մենք պետք է այսօր զբաղվենք նրանով, որ թույլ չտանք, որ ապագայում նման կերպարներ կարողանան գալ և երկրի ղեկը վերցնեն իրենց ձեռքը:

-Փաշինյանի ցանկացած մամլո ասուլիս, ցանկացած հղում կարծես նախապատրաստում է նրա հերթական պարտվողական քայլին, ինչ-որ տարածք  հանձնելու, և նա շարունակում է մեր ժողովրդին վախեցնել՝ ասելով, որ եթե մենք չկատարենք Ալիևի պահանջները, վաղը պատերազմ է լինելու: Սրա համար ի՞նչ կասեք:

- Դա իր սխալների հետևանքն է, ասեմ ձեզ, որովհետև ես ասել եմ բազմիցս, դիվանագիտական դաշտում սխալ թույլ տալը կարող է լինել ճակատագրական,  մանավանդ Հայաստանի համար, որովհետև փոքրիկ երկիր է: Տեսեք , ինչ է տեղի ունենում.  Նիկոլ Փաշինյանը գնում է գյուղ, գյուղացիներին հավաքում է  ու սկսում է հիմնավորել ու համաձայնություն ստանալ, որ 4 գյուղ պետք է տալ Ադրբեջանին,  որովհետև այդ գյուղերը ադրբեջանական են: Շարունակությունը հիմա կասեմ, առաջինը՝ եթե դու դիվանագետ ես, դու գնում ես բանակցության, կապ չունի, թե այդ գյուղերը ումն են, իսկ եթե դու բանակցում ես, ինքներդ եք ասում , որ  31 գյուղերի տարածք գտնվում է Ադրբեջանի վերահսկողության տակ: Դե լավ, թող երկու գյուղի տարածքներից էլ իրենք դուրս գան, դա է դիվանագիտությունը: Հետո, դիվանագիտական ամենամեծ սխալը, ինչի են սկսել Տավուշից, ինչի համար, երբ որ իրենք Սև լճի ուղղությամբ մտել են, Ջերմուկի ուղղությամբ մտել են, Վարդենիսի ուղղությամբ մտել են մեր տարածք, եկեք այդտեղից սկսենք, ինչի եք գնացել այնտեղից սկսում? Երրորդը՝ դու միջնորդին, որը ռուսական կողմն էր , հանել ես բանակցություններից:

Հիմա պատկերացրեք մի իրավիճակ, դա էլ է դիվանագիտական նոնսենս, եկել է այնտեղ ասում է ինձ հետ պետք է հավասար խոսես, ինքը քեզ հաղթել է, ասում է չտաս կխփեմ, կարճ ասում է, չկա երրորդը, որ ասի քեզ խելոք պահի: Ու երրորդ կողմը կարող է լինել միայն Ռուսական կողմը: Իր մյուս քայլով ինչ է անում ինքը, տեսեք մինչև այսօր ինչ լինում էր գցում էր Ռուսաստանի վրա,  սկզբից գցեց գեներալների վրա, զինվորականների վրա, հետո գցեց Ռուսաստանի վրա, հիմա ոնց որ Ռուսաստանն էլ է այն կողմ քաշվել, ու՞մ վրա պիտի գցի, երևի թե գյուղացիների վրա: էլի մարդիկ են պետք, որոնց ասի այ տեսեք դուք եք մեղավոր, մի թե այդպիսի ղեկավառ է լինում: հիշու՞մ եք այս վերջերս ես ասեցի եթե հրաման կտան նահանջի,  ինչ-որ գյուղ հանձնել, պահանջեք գրավոր հրաման:Գիտեք ինչ եղավ դրանից հետո, ասեմ, ըստ իմ տեղեկությունների, բանակային կորպուսների հրամանատարներին հավաքել են, ասել են դ դուք ոնց կորոշեք իրադրությունից ելնելով, այնպես էլ արեք,  դուք պատկերացնու՞մ եք, չէ որ դա բանակ է, ոնց կարող է կորպուսի հրամանատարը ելնելով իրադրությունից , օրինակ ադրբեջանցին առաջ է գալիս, ասում են դու որոշի ուզում ես կրակի, ուզում ես մի կրակի: պատկերացնու՞մ եք ինչ են անում: գիտեք ինչի,որ վաղը այդ նույն գեներալին, կամ գնդապետին,կամ մայորին, կամ էլ դիրքի հրամանատարին տանեն կալանավորեն, ասեն որ ինքն է մեղավոր, ես չեմ ասել որ այդ գյուղը տվեք թուրքին:Դուք հասկանում եք , ի՞նչ է կատարվում: Ոնց կարող է այդպիսի ղեկավարությունը շարունակի կառավարել Հայաստանը: 

Երկու օր առաջ Կիպրոսից մի հայ անձնավորության հետ էի խոսում, շատ գրագետ մարդ է, հիացած եմ այդ մարդու գրագիտությամբ: Ուրեմն ինքը Սոկրատի խոսքերը մեջբերեց: Սոկրատն ասել է մեծ խելքերը խոսում են գաղափարների մասին, միջին խելքերը խոսում են իրադրության մասին, փոքր խելքերը խոսում են անձերի մասին: Ցավոք սրտի մեր ղեկավարությունը այսօր խոսում է միայն անձերի մասին, ոչ մի գաղափարական սերմանում ինքը մեր ժողովրդին չի տալիս, իսկ եթե ինչ որ բան էլ տալիս է , հակասում է մեր դրվագներին, մեր ադաթներին, ուղղակի հակասում է:

- Ի դեպ, պարոն գեներալ, ասեմ որ Փաշինյանը ձեզ աշխատանքից ազատեց այն բանից հետո, երբ դուք որպես Հայաստանի հանրապետության պաշտպանության նախարար հրաման տվեցիք բանակին, որ բոլոր այն թշնամիները որոնք կխախտեն մեր սահմանը, կրակ բացել, փաստորեն երկու օր անց դուք արդեն Փաշինյանի հրամանով ազատվել էիք զբաղեցրած պաշտոնից:

-Երկու օր առաջ չէ, այդ հրամանը ես հենց առաջին օրվանից էի տվել: Այդ որոշումը որ կայացրել է, մի քանի հանգամանքների հետ է կապված: Ամենաառաջինը, որ անվտանգության մասին մեր գաղափարները լիովին տարբեր էին: երկրորդը նա էր, որ ինքը բոլոր մեր քայլերը նայում էր թե ինչ կմտածի ադրբեջանը: Օրինակ 2021 թ սեպտեմբերի 21-ին ես առաջարկեցի զորքը գոնե շարքով և երգով անցնեն մեր փողոցներով, որ ժողովրդին ոգևորեն: ինքն ասեց չէ,  ադրբեջանը կբարկանա: մյուսը ՝ ես գնացի Ղարաբաղ, Ղարաբաղ գնալուց ինձ մեր լավ զինծառայողներից մեկը անունը չեմ ուզում տալ, ասեց, պարոն նախարար, խնդրում ենք փոխեք շորերը, ջինսով ու պետք չի այդ պն համարները, ժողովրդական լեզվով ասած միգալկեքը, եկեք այդ ամեն ինչը հանենք գնանք ղարաբաղ գանք, ասացի ինչու ես այդպես որոշել, բա այնտեղ ինչ-որ ռուսական խաղաղապահների  հրամանատարներից մեկը այդպիսի ցանկություն է հայտնել: Այդ ժամանակ ես զանգեցի խաղաղապահների հրամանատարին, ասեցի ինչ որ խնդիր կա, որ ես գալիս եմ ու ոնց գամ, ասեց ոչ պարոն նախարար, ասեցի դե ուրեմն ես գալիս եմ համազգեստով, այդ միգալկեք կոչեցյալով,և ն համարներով: Ես գնացի, Լաչինում էլ կանգնեցի, այդ պոլորը փաստացի կա,: ճիշտն ասած կոկա-կոլա համարյա չեմ խմում, ասեցի կոլա եմ ուզում, մեքենայի մեջ ջուր կար, մտա խանութ, ժողովուրդն այդտեղ հավաքվեց կոլա առա նստեցի գնացի և ետ եկա: Երբ որ ետ եկա նիկոլ փաշինյանը ինձ ասեց , որ Ալիևը ուժեղ ջղայնացել է: Կհիշեք, Ալիևը ելույթ ունեցավ և սպառնաց ինձ, ասեց եթե մի անգամ էլ գա, մենք միջոցներ կձեռնարկենք իր դեմ և այդպես շարունակ: Բացի դրանից ես կողմնակից էի, եթե պատերազմ սկսի Հայաստանի հետ, ճիշտն ասած չեմ հասկանում այդ գազամուղը և այդ նավթամուղերը ինչու են աչքի լույսի նման պահում, կարելի է զրոյացնել, ունենք այդ հնարավորությունը, երկու ժամում ուղղակի զրոյացնել, դրանից հետո ադրբեջանցին չոքեչոք կգա, իսկ ինչ ենք անում, աչքի լույսի նման պահում ենք: Այնպիսի տպավորություն է որ դա մերն է:

-Պարոն գեներալ, դուք հավանաբար նկատել եք, որ երբ որևիցե անհատականություն, և հատկապես ուժային կառույցներում աշխատող ինչ որ ներկայացուցիչ ակտիվանում է, նրա դեմ անմիջապես քրեական գործ է կարվում իշխանությունների կողմից, սա ինչո՞վ եք բացատրում:

-Վախկոտությամբ: Վախկոտ մարդը կարող է ընդդիմադիր խոսողին նման իրավիճակի մեջ գցի, որ նա էլ չխոսի իր դեմ, չի լսում , որ այդ մարդիկ կարող է ճիշտ բան են ասում: Մենք ինչ ենք ասում, ասում ենք իրերդ հավաքի թող գնա, դու չես տեսնում , որ դուչես կարողանում ղեկավարես այդ երկիրը, ոչ դու, ոչ էլ քո կողքի պատճենները չեմ ուզում նորից վիրավորել, նույնիսկ արդեն իր կողքինները չեն հասկանում , որ իրենք կողքը կանգնելու են իրենք պատասխանատվությունից չեն խուսափելու, հետո երբ որ դու պաշտոնի ես, ինչ-որ դու ես անում մարդկանց դեմ, պաշտոնը, գիտեք, մեր պապերը ասում էին դա ուրիշի ձի է, այսօր դու ես քշում, վաղն էլ կտաս ուրիշը կքշի: կգա ժամանակը, երբ որ ձեր հանդեպ ավելի վատ են վերաբերվելու, քան դուք այսօր մարդկանց հետ: պատասխանատվությունը ձեր վրայից գցելով, գալիս բանավոր հրաման ես տալիս չկրակել, մարդը կատարում է քո հրամանը, հետո քրեական գործ ես հարուցում, երբ որ քեզ հարցնում են, ասում ես ես այդպիսի հրաման չեմ տվել: Թղթերում գրված է ինչ պիտի անի:

-Ինչու այդքան հեշտությամբ հանձնվեց Արցախը, ով է սրա համար պատասխան տալու, ավելին, ինչու մեկուկես միլիարդից ավելի զինամթերք թողնվեց թշնամուն?

-ընդհանուր առմամբ ինձ ասում են մոտավորապես 5 միլիարդ, ոչ թե մեկուկես միլիարդի: Ես կարծում եմ, որ Արցախի հանձնումը դա դավաճանություն է, դավաճանությունը է մեր երկրի ղեկավարության  կողմից և ուրիշ գնահատական չեմ կարող տալ: դուք պատկերացրեք արցախցիների վիճակը, երբ որ իրենք չորս կողմից շրջափակման մեջ, ու մեր երկրի ղեկավարությունը ասում է չէ, այդ հողը ձերը չի: Ճիշտ է ես շատ հարցեր ունեմ արցախում ծառայող զինծառայողներին, բայց հետո մենք այդ հարցերը կտանք: Խոսքը հիմա գնում է քաղաքական որոշման մասին, ինքը իրավունք չուներ, կհիշեք երբ որ ինքը գալիս էր 18 թվականի ելույթներից մեկում , հրապարակում ինքը ասեց Արցախի հարցը լուծելու ենք հանրային քվեարկությամբ, իր ելույթի մեջ նա ասեց, բայց ոչինչ չարե, խաբեց այդ ժողովրդին՝ եվ արցախցիներին, մեզ բոլորիս:

-Գիտեք, սուտը. Կեղծիքը, խաբեությունը վաղուց դարձել է Նիկոլ Փաշինյանի և նրա թիմակիցների համար ապրելակերպ; Եվ ընդհանրապես, եթե որպես զինվորական մարդ փորձեք նկարագրել Փաշինյան անհատին, նա իրոք համարձակ է թե վախկոտ անձ է?

- Ես միշտ ասել եմ, անձի անձնականին ես չեմ ուզում անդրադառնամ, ամբողջ կառավարությունը վախկոտ է, խոսքը վերաբերում է քաղաքական ուժին, վախկոտ քաղաքական ուժ ունենք, ու վախենում են իրենց աթոռների համար: Որպես անձ ես գնահատական չեմ տալիս, բայց կհիշեք, քաջ Նազարին, ասում է աշխարհը որ սուտ չլիներ, Նազարը հո թագավոր չէր դառնա, երգ էլ կա էս վերջերս լսում էի: Նույն պատմությունն է:

-Մեր մեծերը ճիշտ են գրել, պատմությունը միշտ կրկնվում է, ցավոք սրտի:

-Ցավոք սրտի: Կրկնվում է: Մխիթար Սպարապետը սկսեց պայքարել, մեր հայերը Մխիթար Սպարապետին սպանեցին, Վազգեն Սարգսյանը սկսեց պայքարել, մեր հայերը  Վազգեն Սարգսյանին սպանեցին: Երևի թե այս վախկոտ քաղաքականությունը մեր ճակատին գրված է, դեռ: Բայց փոխելու ենք, հավատացեք:

-Պարոն գեներալ, դուք այսօր էլ կարծում եմ քաջատեղյակ եք մեր բանակում տեղի ունեցող իրադարձություններին: Այնուամենայնիվ հնարավոր է, որ մոտ ապագայում մենք ունենանք այնպիսի բանակ, ինչպիսին ժամանակին կար և այն հայկական բանակը, որը տարածաշրջանում համարվում էր լավագույններից մեկը:

- գիտեք, դրա համար  առաջին հերթին այս իշխանությունը պիտի հեռանա, դա առաջնահերթ պայման է, երկրորդը՝  բանակում պետք է ծառայեն և պաշտոններ զբաղեցնեն կրթված փորձառու սպաներ, սկսած պաշտպանության նախարարից, վերջացրած վերջին  լեյտենանտից,  միայն այդ պայմաններում մենք կարող ենք ունենալ նորմալ , հզոր բանակ և շատ եմ  կարևորում ոչ միայն բանակը, այդ թվում ամբողջ անվտանգային համակարգը: եկեք նայենք մեր արտաքին անվտանգային  համակարգում ով է զբաղվում արտաքին անվտանգությունով, մի ղեկավար մասնագետի անուն տվեք: Ես միայն մեկ գեներալ –լեյտենանտի գիտեմ, որ այսօր ղեկավարում է, իր ոլորտի մասնագետ է, մնացած բոլորը փողոցից բերել ենք մեծ անունով պաշտոններ տվել:Ինձ մոտ տպավորություն է , որ իրենք եկել են ոչ թե աշխատելու, այլ վայելելու: Իսկ Հայաստանում պաշտպանության նախարարի պաշտոնը չի կարող լինել պաշտոն, որը կարողանաս վայելել; Իրենք եկել են իրենց անձնական կյանքը դասավորելու: Դա է մեր խնդիրը:

- Ապրիլի 5-ին Բրյուսելում տեղի ունեցավ ԱՄՆ-ի , ԵՄ-ի և Հայաստանի պատասխանատու անձանց շատ կարևոր հանդիպում: Շատերը այն գնահատեցին որպես քայլ ընդդեմ Ռուսաստանի դաշնության, դուք ինչ կարծիքի եք՞:

-Գիտեք, դա առաջին քայլը չէ, շատ քայլեր այս վերջին տարիներին, երևի թե 2021թ. Վերջից կամ 2022 թվականի սկզբից բոլոր քայլերը մեր ղեկավարությանհ հենց դրա մասին են խոսում: Ինչ վերաբերում է ապրիլի 5-ի հանդիպմանը, ինչ եղավ, ինչ մենք իմացանք այդ հանդիպումից?Գնաց 270 միլիոն եվրո գումար գրանտների ձևով պետք է հատկացնեն չորս տարվա ընթացքում: Իսկ ինչ է գրանտը: կաշառք, ինչ որ կատեգորիայի կաշառք տալու միջոց է, բացի դրանից, իմ կարծիքով, իմ կարծիքը կառուցված է տեղեկությունների հիման վրա, գուցե պետք է մի քիչ ճշտել այդ տեղեկությունները, բայց ինքը գնաց իր անձնական հարցերը լուծելու, որովհետև ինքը հասկանում է, որ իրեն բավականին քիչ է մնացել, ինքը թողնելու է այն մարդկանց, ովքեր  իր  կողքն են ու փախնելու է, դա ես ձեզ այսօր ասում եմ: Ես երեք ամիս առաջ ասեցի, որ ինքը չի գնալու արտահերթ ընտրության, ինչի՞ համար, որովհետև ինքը գիտի,որ ինքը չի հաղթելու: ինքը այսօր ըստ ամերիկյան  հարցումների, այսօր Հայաստանում ունի 4 տոկոս, կորցրեց իր հիմնական ուժը, որը տավուշի մարզի ժողովրդի ձայնն էր, բոլորը կորցրեց, իջավ 4 տոկոս: ինքը չի գնա ընտրության, ես այսօր ասում եմ, ինքը փախնելու է՝ թողնելով այդ բոլորին, ու նրանք իր տեղը պատասխան են տալու:

-Պարոն գեներալ, մի առիթով ասում էիք, որ անհրաժեշտ է ստեղծել համահայկական նյուրնբերգյան  դատավարություն ներկա իշխանություններին դատելու համար դա ուժի մեջ է մնում?

-Այո, ես դա հայտարարել եմ, ու  այսօր արդեն հանդիպել եմ երկու հայ պրոֆեսորների հետ, որոնք իրենց պատրաստակամությունն են հայտնել,ու մենք դա անելու ենք, և քանի որ այնտեղ, նորից եմ ասում դատական համակարգը Հայաստանում ամբողջովին աշխատում է իր անձի վրա, ճիշտն ասած չեմ հասկանում այդ մարդկանց: շատերին ճանաչում են բավականին հայրենասեր մարդիկ են: Իմ  կարծիքով այդ ամերիկյան լաբորատորիաները որ հայաստանում տեղակայված են, երևի թե զոմբիացնում են շատերին, ուրիշ բացատրություն չեմ գտնում: Ես ամերիկացիներին էլ եմ շատ լավ վերաբերվում, բայց մենք պիտի հասկանանք, որ  ամերիկացիները իրենց քաղաքականությունն են վարում, և Հայաստանը ԱՄՆ-ին և Եվրոպային հետաքրքիր է մինչև այնտեղ կա 102-րդ ռուսական բազան, հենց ռուսական բազան Հայաստանից դուրս եկավ, Հայաստանը էլ ոչ մեկին պետք չի լինելու: Մենք ունեինք Արցախ, Արցախի հարց, մեզ հետ խոսում էին , որտեղ կար Արցախ, արցախը չկա, միջնորդ էլ չունենք արցախի հարցով: Թող ամերիկացին կամ եվրոպացին գա միջնորդ կանգնի, ինչու չի գալիս, որովհետև չի ուզում, չի ուզում այդ պատասխանատվությունը իր վրա վերցնի, միայն Ռուսաստանն է պատրաստ իր վրա վերցնի, որովհետև հա, ես համաձայն եմ, ռոսների համար հայն ու ադրբեջանցին երևի թե այդքան էլ օտար չեն, բայց հայերը միշտ ավելի մեծ տեղ են ունեցել ռուս ժողովրդի սրտում: Դե թող գան, ինչու են եվրոպայում հանդիպում, կամ այդ ինչ սահմանազատման  հարցեր են, եթե դու խաղաղության պայմանագիր չես կնքել:Դա կարող է լինել պայմանագիր, թե դու ոնց ես կապիտուլյացիա հայտարարելու, այնտեղ գնում է այդ բանակցությունները:

- Եվ վերջին հարցը՝ երբ կարող է լուծվել Բաքվում պահվող հայ ռազմագերիներ հարցը:

-Այդ հարցը երևի թե ինձ չպետք է ուղղել, այլ մեր երկի ղեկավարությանը, որը  մոռացել է այդ մարդկանց  մասին: ես միշտ կրկնել եմ նման խայտառակություն հայ ժողովուրդը երևի թե իր  պատմության մեջ չի տեսել, որ այդքան գեներալներ, նախագահներ, պաշտոնյա անձինք, բարեգործ Ռուբեն Վարդանյանը այսօր կալանավորված են: Նման խայտառակություն և նման դավաճանության աստիճան ամենք պատմության մեջ չենք տեսել:  մենք աշխատում ենք այդ ուղղությամբ, հուսով ենք, որ երևի թե արդյունքները պետք է որ շուտով լինեն: Մենք մեր գործը անում ենք, Հուսով ենք , որ կստացվի:Եթե լինեի երկրի ղեկավար կամ ղեկավար  խորհուրդ կազմի մեջ, ավելի հստակ կպատասխանեի: Բայց մենք դրանով զբաղվում ենք: Աստիճանաբար սկսելու ենք լուծել:

-Եղավ, շնորհակալ եմ, սիրելի բարեկամներ մենք այսօր հյուրընկալել էինք համահայկական ճակատ շարժման առաջնորդ, ՀՀ պաշտպանության նախկին նախարար գեներալ-մայոր Արշակ Կարապետյանին: Շնորհակալ եմ այսօրվա հարցազրույցի համար և ինչպես ասում են մինչ նոր հանդիպումներ լավագույն սպասումներով:

- Ձեզ էլ եմ շնորհակալ, ձեզ առողջություն եմ ցանկանում:

-Այսօր այսքանը, ցտեսություն: