2024 թվականի հոկտեմբերի 1-ին ՀՀ արդարադատության նախարար Գրիգոր Մինասյանը հրաժարական է տվել։ Ի՞նչու նման քայլի դիմեց բարձրորարկ իրավաբան, ով գերազանցությամբ ավարտել է Ռուս-հայկական համալսարանի իրավաբանական ֆակուլտետը և Հայաստանի պետական ​​կառավարման ակադեմիան, ունի իրավաբանական գիտությունների թեկնածուի գիտական աստիճան, եվրոպական իրավաբանական կազմակերպություններում աշխատելու փորձ։ Պատասխանը պարզ է․ դիլետանտների կառավարությունում բարձրակարգ մասնագետների համար տեղ չկա։ Նրանց ֆոնին անկարողությունը չափազանց նկատելի է դառնում։ Իսկ պատրվակ գտնելը դժվար չէ։

         Հենց այդպես էլ եղավ։ Տասը ամսից քիչ ավելի աշխատելով որպես արդարադատության փոխնախարար՝ պարոն Մինասյանը 2022 թվականի դեկտեմբերի 26-ին զբաղեցրեց նախարարի պաշտոնը։ Սեպտեմբերի վերջին Ազգային Ժողովի պատգամավորները հանկարծ նկատեցին, որ արդարադատության նախարարության ղեկավարը «ՔՊ»-ի թիմից չէ։ Այդ մասին հայտարարել է ԱԺ պատգամավոր Արփի Դավոյանը, ով նախաձեռնել է Գրիգոր Մինասյանին զբաղեցրած պաշտոնից հեռացնելու ստորագրահավաքը։

Լրատվամիջոցները կարծես թե հիշեցին, որ վերջերս արդարադատության փոխնախարար նշանակված Սիրվարդ Գևորգյանը նախկին նախագահ Ռոբերտ Քոչարյանի դստեր համակուրսեցին է։  2024 թ․ սեպտեմբերի 26-ն, ստորագրահավաքի մեկնարկից հետո, տիկին Գևորգյանը շտապ պաշտոնաթող եղավ։ Վարչապետին ուղղված պահանջի տակ ստորագրած 27 պատգամավորները հիշել են նաև, որ արդարադատության նախարարը ոչ այլ ոք է, քան Վատիկանում նախկին դեսպան Միքայել Մինասյանի, ՀՀ նախկին նախագահ Սերժ Սարգսյանի փեսաի եղբայրը։ Իսկ հատկապես հետաքրքիրն այն է, որ զրպարտության համար ստորագրությունները հավաքվել են ծածուկ կերպով, առանց քննարկումների, քանի որ այս խմբակցության գագաթնակետը գիտակցում է հրաժարականի պահանջի ապօրինիությունը։

Այլ կերպ ասած, «ՔՊ»-ի պատգամավորները հրաժարական նախաձեռնելու հրամանը «վերևից» են ստացել։ Դժվար չէ կռահել, թե ու՛մից։

Հավաստի աղբյուրներից իմացել ենք, որ Գրիգոր Մինասյանի գործունեությունը բազմիցս նյարդայնացրել է Հայաստանի վարչապետին։ Բաժակը լցրած վերջի կաթիլ դարձավ «Համահայկական ճակատ» շարժման առաջնորդ Արշակ Կարապետյանի կողմից հրապարակած՝ Հայաստանի ազգային հպարտության տրիբունալի որոշումը, որը բացահայտում է Նիկոլ Փաշինյանի և նրա շրջապատի հակասահմանադրական գործունեությունը, այդ թվում նաև Արցախի տարածքային պատկանելիության հարցը ցանկացած մակարդակով քննարկելն արգելող՝ 1992 թվականի օրենքի խախտման փաստը։ Վարչապետը արդարադատության նախարար Մինասյանից կոպիտ կերպով բացատրություն է պահանջել, թե ինչի հիման վրա վերջինս թույլ է տվել գրանցել «Համահայկական ճակատ» կուսակցությունը, ա՛յն էլ 2024 թվականի օգոստոսի 23-ին, Հայաստանի Անկախության հռչակագրի ընդունման տարեդարձին։ Հետաքրքիր զուգադիպություն է, այնպես չէ՞։

Անշուշտ, Գրիգոր Մինասյանը ինքնակամ ներկայացրեց հրաժարականի դիմում, թեև հզոր ճնշման պարագայում։ Եվ, ըստ երևույթին, դրդապատճառներից մեկն էր վերոհիշյալ Տրիբունալի՝ բարձրաստիճան պաշտոնյաների գործողությունները հետաքննությունը շարունակելու և արդյունքները հրապարակել որոշումը, հատկապես՛ պատմական հայկական տարածքներից հրաժարվելու հարցում։

Լինելով փորձառու իրավաբան և գիտակցելով, որ ստիպված է կոծկել բարձրաստիճան պաշտոնյաների անօրինական գործողությունները՝ Գրիգոր Մինասյանը, օգտվելով ՔՊ պատգամավորների պահանջից, այլևս չցանկացավ մասնակցել ՀՀ դեմ հանցագործություններին։ Ի՞նչ է սպասվում։ Ամենայն հավանականությամբ, վարչախումբը, ինչպես միշտ, նրա դեմ հետաքննություն կսկսի՝ որևէ շինծու պատրվակով։ Ներկայիս իշխանությունների պատկերացմամբ, այլապես հնարավոր չէ լռեցնել իրազեկ մարդուն։