«Համահայկական ճակատ» շարժումը և Ժողովուրդների Բարեկամության Ռուսական համալսարանի Պատրիս Լումումբայի անվան միջազգային փոխակերպումների կիրառական վերլուծության կենտրոնը 2024 թվականի հոկտեմբերի 25-ին անցկացրել են «Հին պետությունները. պատմություն և արդիականություն» թեմայով գիտագործնական համաժողով։ Այն նվիրված էր հին պետությունների և քաղաքակրթությունների պատմությանը և մշակույթին։ Միջոցառումը վարել է Ժողովուրդների Բարեկամության Ռուսական համալսարանի Պատրիս Լումումբայի անվան միջազգային փոխակերպումների կիրառական վերլուծության կենտրոնի տնօրեն, միջազգային հարաբերությունների տեսության և պատմության ամբիոնի դոցենտ Վիտալի Դանիլովը:

«Համահայկական ճակատ» շարժման առաջնորդ Արշակ Կարապետյանը հանդես է եկել «Ուրարտուի թագավորությունը: Հին քաղաք Երևանը» զեկույցով: Նա ուշադրությունը հրավիրել ՝ այն փաստի վրա, որ Ուրարտուի թագավորությունը, գոյատևել է մոտ 300 տարի (Ք.ա. IX-VI դարեր): Ուրարտուի կայացման գործում առանձնահատուկ դեր է խաղացել Մենուա I թագավորը, ով, ըստ էության, այդ պետությունը ստեղծել է այն ժամանակվա նորագույն տնտեսական մոդելների հիման վրա։ Հնագույն երկրի տարածքը զգալիորեն ընդլայնել է Արգիշտի I այն դարձնելով ռազմական առումով ամենաուժեղներից մեկը։ Ուրարտուի թագավորության մայրաքաղաք Էրեբունի ամրոցի՝ այժմյան Երևան քաղաքի մասին երեք անգամ հիշատակվում է Աստվածաշնչում, մանրամասն պատմվում է սիրիական և իրանական տարեգրություններում:

Պատմական գիտությունների թեկնածու, Մոսկվայի պետական համալսարանի դոցենտ Եվգենի Միրզոևը պատմել է Սասանյան դինաստիայի ժամանակաշրջանում պարսկական կայսրության մասին: Նա իր ելույթը կենտրոնացրել է ռազմական արվեստի հիմքերի, ժամանակի կրոնական ավանդույթների և մշակույթի վրա։

Ռուսաստանի պետական հումանիտար համալսարանի ժամանակակից Արևելքի ամբիոնի դոցենտ Նիզար Բուշը կիսվել է սիրիական քաղաքակրթությունների զարգացման վերաբերյալ իր տեսակետներով: Նա պատմել է Մաալյուլա քաղաքի մասին, որտեղ այսօր էլ դպրոցներում սովորում են արամերեն լեզուն, որով խոսել է Հիսուս Քրիստոսը, ինչպես նաև խորը ափսոսանքով է խոսել Սիրիայում ռազմական գործողությունների ընթացքում տուժած և ոչնչացված պատմական հուշարձանների մասին:

Արևելագետ Աբանուբ Ռեզկն իր ելույթը նվիրել է Ղպտիական քաղաքակրթությանը։ Նա պատմել է քրիստոնեության ծագման, ղպտիերեն լեզվի և ճգնավոր վանականության հիմնադիր Սուրբ Անտոնի Մեծի մասին։

Պատմաբան Էլեֆթերիոսա Հաթզիֆեոդորիդիսան առաջարկել է քննարկել «Պետությունը Հին Հունաստանում: Աթենքը որպես պետական զարգացման կենտրոն» թեման: Նա ընդգծել է, որ առաջին օրենսդրությունը գրվել է Հին Հունաստանում։ Աթենքի սոցիալական և տնտեսական վերելքը նպաստել է նոր քաղաքական մշակույթի ձևավորմանը, որի հիմնական արտահայտությունը պետության ժողովրդավարական հիմքերի ծնունդն է եղել: Աթենքի տնտեսական և սոցիալական զարգացումը նպաստել է նոր քաղաքական մշակույթի ձևավորմանը:

Գիտաժողովի նյութերը կհրապարակվեն «Համահայկական ճակատ» շարժման ռեսուրսներում Движение «Всеармянский Фронт»

«Համահայկական ճակատ» շարժման մամուլի ծառայություն